11 manera pa bira víktima di ladronisia
Kriminalidat a krese rònt mundu, kriminal nan a desaroyá i kambia nan téknika durante e último tempu nan.
1 Paso nan kalkulá
No ta manera ántes ku un kriminal ta sali i hòrta sin pensa, Awendia nan tin mas pasenshi i ta forma parti di grupo nan mas organisá ku ta studia bo paso nan i kada akshon ku bo ta tuma. Nan ta wak bo, i abo no ta wak nan. Un kriminal por sa mas mihó ku bo mes kiko ta siguiente paso ku bo ta tuma segun e dokumento aki .
2 Sin seguridat
Basá riba un rapòrt 60% di kriminal nan ta evitá di hòrta òf drenta den un kas ku seguridat. Tep: Si bo no tin un sistema di seguridat bo por baha bo chèns dor di usa maske ta steker òf algu por estilo na tur entrada pa deskurashá ladron nan.
3 Bo kas ta na un skina ?
Hopi ta kere ku kriminal nan no ta gusta kas na skina esei ta al kontrali , kas na skina tin mas posibilidat di wòrdu hòrtá nan ta mas aksesibel i mayoria biaha nan tin ménos bisiña rondoná di nan.
4 Bo tin hopi lòk awèl lo bo mester tin hopi sèn
Bo ta sinti ku mas lòk ta mas safe òf ta deskurashá un kriminal for di bo propiedat? Pensa pa un ratu kiko bo ta pensa si bo mira un kamber ku 5 lòk na dje ? Awèl asina mes un kriminal ta pensa, bo mester tin sèn ei den òf alo ménos kos nan balioso. Hopi fásil bo ta bira víktima di e tipo nan di kriminal nan mas frustra.
5 Bo tin hende ta traha pa bo na kas frekuente ? Limpiesa, hardinero awèl esaki tambe por ta bo desgrasia.
No komprendé mi malu , bo por tin hende ta traha pa bo na kas , un hende di limpiesa of hardinero etc. Pero si kada bes bo ta kambia di empleado bo tin hopi chèns ku un dia bo informashon den kas lo wòrdu bendé
6 Bo tin un mondi dilanti bo kas, ku mondi mi kiermen planta den kura?
Planta i mata ta algu ku ta forma parti di nos naturalesa ami stima mata , pero mata ta un di e hèrmènt hopi efikas ku un kriminal tin.
7 Bo no tin kachó
Kachó ta mas ku bo amigu.
Kachó riba su mes ta e forma mas efektivo pa kombatí kriminalidat. 50% di kriminal segun e rapòrt aki ta evitá di drenta un kas kaminda tin kachó kombiná ku sistema di seguridat.
8 Bo ta hür un kas ?
Hürmentu di kas tin su bentaha pero estudio nan ta mustra ku bo tin 37% mas posibilidat di wòrdu hòrtá.
9 Nan a yega di hòrta un biaha kaba
Kas di famia ku a wòrdu hòrtá un biaha kaba di hopi chèns di wòrdu hòrta un biaha mas.
10 bo ta traha durante di dia ?
Miéntras ku bo ta pensa ku mayoria robo ta sosodé anochi esei no ta e kaso. 60% di robo ta tuma lugá den dia ora doño nan no ta na kas.
11 Si bo no tin yu
Si bo ta soltero òf bo ta biba solamente ku bo partner lo bo ta hopi atraktivo pa un kriminal. Segun e rapòrt aki mas hende ta biba den un kas ménos posibilidat tin pa bo bira víktima di ladronisia.
Final palabra :
Tin sigur mas manera ku por hasi bo víktima di ladronisia, pero esaki nan ta un lista di 10 ku mi a kompilá.
Otro kos nan pa tene kuenta ku ne.
- mayoria robo ta ser hasi pa hende di bisindario mes.
- Un kriminal ku eksperensia por limpia bo kas den ménos ku 10 minüt.
- Mayoria ladron ta drenta bo kamber prinsipal promé.
- ménos ku < 20% di ladron ta ser aresta.